252

REGISTRES DU BUREAU

[t5₇i]

costez, et les cinq masques, tant ceulx de la clef que des costez les ethimer et dorer, et racoustrer au surplus ce qui se trouverra necessaire pour l'architecture et rusticque à ladicte porte, reservé toutesfois les inscriplions et plattes painctures qu'il y convient faire.

"Pour le Ponceau, de la figure de la Royne en fauldra faire une déesse Flora, et pour ce faire fauldra changer les bras d'aultre contenance, tenant des fleurs en ses mains, faignans les presenter à la Royne à present regnant. Et luy fauldra faire son vestement d'ung drap d'or figuré de vert, avecq ung voille sur la teste d'une tocque d'argent. Et fauldra faire tout le nud de lad. figure de coulleur d'incarnation, representant le naturel, et l'aorner de ceincture et Chappeau ⁽¹⁾, fruictz et fleurs. Et pareillement fauldra des aultres nimphes leurreffaire d'aullres testes representant plus grand jeunesse que en la forme qu'elles sont, et coulourer leurs vestemens de coulleurs de salin rouge ou vert, avecq des enrichisse-mens, ainsi qu'il sera advisé pour le mieulx; et ce qui apparoist du nud èsd. trois figures, le coulourer au naturel, et mectre en leurs mains plusieurs fleurs de plume ou aultrement, le plus près du naturel que faire ce pourra, faignans faire des chappeauk et bouquetz, entre lesquelles fleurs seront plusieurs Heurs de lys.

"Pour la Porte aux Painctres, fault oster l'urne avecq les petitz enffans qui sont au pourtour, la couronne, l'aigle et les ornemens d'icelle, et l'Erculles qui tue Antbée. Et à la place de l'Herculles, fauldra mectre la figure du Roy à present regnant, ainsi assiz qu'il est'²', et, pour ce faire, le racoustrer et racom-moder en ce qui sera necessaire; aussy reblanchir et racoustrer la figure du Roy Henry, et luy reffaire d'aullres mains avecq ung sceptre qui tiendra de l'aultre main, representant la Foy. Au millieu du sodé, fauldra faire de nouveau deux grandz Fleuves debout, de six à sept piedz de hault, qui tiendront ung globe terrestre de six à sept piedz de diamectre, et de leurs aultres mains se tiendront. A costé des-

quelz Fleuves, fauldra faire deux grandz vazes ou cruches, et seront lesd. Fleuves couronnez de jons et fleurs cressans aux eaues, et ethimez ou dorez. Fauldra aussy racoustrer les deux figures de Monsieur et de Monsieur le Duc*³', ainsi qu'il sera advisé, et faire une frize, selon l'anthicque, de rinceaulx, de feuillaige'⁴' de rellief et maillerye de papier de thoille ⁽⁵>, de vingt ung poulces de hault, selon la grandeur d'icelle qui contient douze thoises. Lesquelz feillaiges (°' seront dorez et le fond painct de blanc, representant le marbre, etseront aussy dorez ou les chappiteaulx et basses des coullomnes. Au lieu de la navire, fauldra ung caducé de Mercure, et noircir les niches representant le marbre noir, pour lever davantaige les figures; lesquelles figures fauldra reblanchir et regarnir de leurs ornemens accoustu-mez, reservé les plantes t⁷', painctures et rescriptions.

"Pour le pied d'estal de devant le Sepulchre, où est representé la figure de Juno, luy fauldra faire tenir au lieu de septre ung nœu gordien ou indissoluble, ethimer et dorer les aigles qui sont aux quatre coings et racoustrer ce qui sera necessaire, changer ses habitz et les paindre de telles coulleurs representant le satin et velours, qui sera advisé.

"Pour le pied d'estail de devant la Fontaine^(S>, de Ia figure de l'Ymenée sera faict un Saturne avecq une grande barbe, tenant une faulx en sa main; et de l'aultre main tiendra une navire que lenoyt une des figures de la Porte aux Painctres; et pour ce faire, fauldra achever ladicte figure sur le nud, d'aultant qu'elle est vestue et fault que serve nu; et luv fauldra seullement ung linge pour cacher la partye honleuze; et oster les petitz enffans, et dorer les aigles et le tout racommoder et racoustrer le mieulx que faire ce pourra.

"Pour la premiere porte*⁹' du Pont Nostre Dame, fauldra oster la figure du Roy et de Monsieur et le navire, et au lieu du navire fauldra faire ung sodé de deux piedz trois poulces qui viendra en sa diminution'¹⁰' par les deux costez, sur lequel fauldra figurer ung Europe montée sur ung toureau qui

f¹' Couronne de (leurs que la déesse tient à la main, sur la figure gravée dans la relation imprimée.

'²> C'est-à-dire, en termes héraldiques, en majesté: assis, revétu du manteau royal, et tenant le sceptre et la main de justice. (-> Le duc d'Anjou (Henri IlI) et le duc d'Alençon. M Var. - feucillasme » (A). ⁽⁵) Découpures de papier.

(*) Ici encore le Registre A porte -feucillasme- qui ne peut étre qu'une faute de lecture. <'> Sic dans A et B. Il faudrait sans doute -plattes painctures-, comme à la dernière ligne du présent devis. , (-) La fontaine des Innocents, qui était presque en face de l'église du Sépulcre. '-' C'est-à-dire l'arc de triomphe placé à l'entrée du pont. ^(,°! Qui sera évidé.